كلام روش طحن للناس الروشة طحن@

--------------------------------------------------------------------------------

بنمسي ونصبح احلا مسي واحلا صباح
وقشطة قشطة جدا الديك بيدن
وقشطة خالص الديك بيتمايص

انما ايه روش

روش طحن

وكبر الجمجمة وعيش

ياعم كبر مدقش علي كلامي

وهكذا اسمع وهكذا يقال وما قلته جزء من كل الباقي اكتر
انعدمت اللغة وسادت لغة تانية بتتسمع في جميع المستويات والطبقات
نفتكرو هيجي يوم ويتنسي كلامنا ويبقي شويا قشطة وشويا روش
والباقي انجليزي علي فرنساوي
وياحسرتي علي اللغة العربية ولغة المصريين الجميله التي سادها الان
حاجات ومعاني .. ... .. .. .. .. .. .. .. ..
ايه رئيكوا في الالفاظ دي وبتستعملوها قد ايه وياتري عجباكم؟؟؟؟؟؟؟؟؟؟؟؟؟؟؟؟

تحياتي أيو على
لسة انتوا رايحين فيين 1 - استمورننج
لفظ يقال في الصباح بغرض تناول الطعام او التدخين او شرب الشاي حتي يفيق الشاب من نعاسه مثل
"هاروح اعمل استمورننج علي القهوه و جاي"

2- الابلتين لدع في دهاليز الحياه
عباره تدل علي الخواء او الفوضي في الحياه و غالبا ما تاتي بقصد الفلس مثل
"مفيش فلوس و الابلتين لدع في دهاليز الحياه " اي الحياه خربانه

3- اعمل دماغ
عباره مشهوره لدي المدخنين و يقصد بها ضبط الحاله المزاجيه عند المدخن

4- اديها جاز
عباره تقال في مواقف المشاحنات بين الاصدقاء لزياده حده المشاجره مثل
"ادي الخناقه جاز علشان تولع "او "شعللها" سواء بالكلمات او توجيه اللوم لاحد المتشاجرين لكي يثور علي الاخر

5- اختفي شويه
اي لاتجعل احد يراك هنا او ابعد الان او امشي من هنا اي لا تظهر نفسك حتي تنتهي المشاكل

6- ايه النظام
عباره بمعني ايه الموضوع و لقد استغلت الكلمه في احد اعلانات الموبايل في نظام كروت الشحن
و العباره تدخل في العديد من الاحداث التي يتسائل فيه الشاب عن الاحداث الجديده مثل
"ايه النظام .........النظام في العظام"
و العباره الاخيره تفيد الاعتراض علي الاجابه بأسلوب فيه عبط و استهبال

7- اليط
لفظ بمعني المتكبر الذي يتعامل مع الاخرين باسلوب فيه تعالي او ينظر الي الاخرين نظره دونيه متعجرفه

8- another stone
تعني بالروش حجر اخر لشاربي الشيشه علي المقاهي

9- اتشبح
مصطلح بمعني الضرب لدرجه اتعذيب و تقال شبحته اي اعتديت عليه بالضرب المبرح

10- اتم
و الاتامه حسب تعريف الروشنه تعني الغلاسه و الرخامه و التناحه و جميع الصفات السيئه التي قد يتصف بها شاب معين
و يقولون "الاتم جه" اي استعدوا لتحمل السماجه التي سوف تظهر من هذا الشاب

11- ازبهل
لفظ يدل علي الزهول الشديد و يقال" انت مزبهل كده ليه " اي مندهش لدرجه العبط

12- احلق
و هو لفظ لا يعني الذهاب الي الحلاق لقص الشعر و لكنه يفيد تجاهل الغير مثل" احلق له"
اي لا تفكر فيما يقول فهو لا يستحق

13- اتوبيس راجع بضهره
عباره يقولها الشاب علي الفتاه الغير جميله و لها لدي الشباب اسماء اخري مثل " زي الكره الكفر" او "صب حته واحده"

14- اعلمه
وهذا مصطلح يعني التشويه في جزء من الوجه بآله حاده مثلما اراد الفنان محمد سعد في فيلم الناظر
مع علاء ولي الدين" اعلمك بمطوه يا ابو صلاح ده ختم الصياعه"

15- انش
لفظ مختصر لاسم "انشراح الخباثه" و هي شخصيه خياليه تعني السذاجه لدرجه الهبل

16- امليء التنك
عباره بمعني اريد ان اكل لان معدتي خاويه

17- امبلايز
مصطلح بمعني في الفاشوش اي ان الموضوع الذي سعيت من اجله لم يتم او تعبت علي الفاضي و تقال " الحياه في الامبلايز" اي ان الحياه خربانه و فاشله

18- اشاعاتي
الشخص القادر علي اصدار الشائعات بمعدل 100 اشاعه في الثانيه

19- ابجني تجدني
عباره تعني انا يمكن شرائي بالمال و غالبا ما يقولها الموظفين

20- انجز بالونجز
كل المشاكل التي تقابلها لها حل سريع مادمت تدفع المقابل و يقولون انها كانت نوع من من انواع السجائر قديما

21 - استك
مصطلح يعرفه التجار بمعني الف جنيه

22- ارنب
مصطلح يقوله التجار و رجال الاعمال و يقسم الي نصف ارنب اي نصف مليون
ربع ارنب اي ربع مليون
ورك ارنب اي مائه الف

23- اخلع دلوقتي
عباره تقال كاعلان لرغبتك في رحيل شخضا ما انهيت الحديث معه مثل
" اخلع دلوقتي ورايا شغل"

24- اتزرع هنا
بمعني انتظر هنا ولا تتحرك مثل اي جماد و يقال " اتزرع هنا لحد ماجي تاني"

25- اعلن فراري
عباره بمعني انوي الانسحاب من الجلسه و يقال "اسف انا هاعلن فراري"

26- اتاري
مصطلح يطلق علي سيارات الشرطه الخفيفه لانها تشبه السيارات في الفيديو جيم و الاتاري

27-ايه الحياه ؟
سؤال بمعني ماذا حدث اليوم و ما هو الجديد

28-الجفت
كلمه تقال عند تجار الذهب بمعني غير الموضوع لان هناك زبون
ويقال "روح هات الجفت و تعالي" اي اسكت

29- اخلع الفرد
عباره ماخوذه من لسان شاب جزمجي و تفيد معني ان من نتكلم عنه قادم

30- احنا اللي بهيظنا الفهايص
عباره يطلقها قائد شله الفساد افتخارا بنفسه و معناها "انا اللي خليت الجميع يغيب عن الوعي"

يتبع باقي حرف الالف وترقبواااااااااااااااااااااااااااااااااااااااا المزيييييييييييييييييد وأرجو الرد